Sansar News
१६ मंसिर, काठमाडौं । कोरोना संक्रमणबाट थप तीन महिलाको मृत्यु भएको छ । पछिल्लो २४ घण्टामा लुम्बिनी प्रदेशको कपिलवस्तु, गण्डकी प्रदेशको गोरखा र प्रदेश नं १ को झापामा १÷१ जनाको मृत्यु भएको हो ।
लुम्बिनी प्रादेशिक अस्पतालका अनुसार कपिलवस्तुको शिवराज नगरपालिका वडा नं ५ की ५० वर्षीया महिलाको कोरोना विशेष अस्पतालमा उपचारका क्रममा सोमबार राति १० बजे मृत्यु भएको अस्पतालले जनाएको छ । अस्पतालका अनुसार उनमा ज्वरो तथा स्वास प्रश्वासको समस्या रहेको थियो ।
त्यसैगरी गोरखा नगरपालिका ६ की ७५ वर्षीया महिलाको पनि कोरोना संक्रमणको उपचारका क्रममा मृत्यु भएको छ ।
मंसिर ९ गते कोरोना संक्रमण पुष्टि भएकी उनको गोरखा अस्पतालमा उपचारका क्रममा मंसिर १२ गते निधन भएको गण्डकी प्रदेशको स्वास्थ्य निर्देशनालयले जनाएको छ । उनीसँगै गण्डकी प्रदेशमा संक्रमणबाट मृत्यु हुनेको संख्या १६० पुगेको छ ।
त्यसैगरी झापाको दमक नगरपालिका ३ की ८२ वर्षीया महिलाको पनि आज बिहान मृत्यु भएको छ ।
मिर्गौलमा समस्या रहेकी उनलाई मंसिर ७ गते कोरोना संक्रमण पृष्टि भएको थियो । उनको विपी कोइराला स्वास्थ्य विज्ञान प्रतिष्ठान धरानमा उपचारका क्रममा मृत्यु भएको अस्पतालले जनाएको छ ।
वि.सं.२०७७ मंसिर १६ मंगलवार १३:२८ मा प्रकाशित
