काठमाडौं । सत्तारुढ नेपाल कम्युनिष्ट पार्टी (नेकपा)को सचिवालय बैठक केहि बेर बसेर स्थगित भएको छ । प्रधानमन्त्रीसमेत रहेका पार्टी अध्यक्ष केपी शर्मा ओली उपस्थित नभएपछि बैठक स्थगित भएको हो ।
नेकपाका प्रवक्ता नारायणकाजी श्रेष्ठले ओलीको अनुपस्थितिका कारण बैठक स्थगित गरिएको जानकारी दिए । उनका अनुसार अर्को बैठक मंसिर २० मा बस्नेछ ।
‘पार्टीमा देखापरेको संकट र विद्यमान समस्याहरुको समाधानका लागि प्रधानमन्त्रीसमेत रहनुभएका अध्यक्ष कमरेड ओलीको समेत उपस्थितिमा छलफल गर्नु आवश्यक, उपयुक्त र उचित हुन्छ भन्ने निष्कर्षका साथ अर्को सचिवालयको बैठक मंसिर २० गते १ बजे बस्ने निर्णय गरिएको छ’, प्रवक्ता श्रेष्ठले भने ।
श्रेष्ठका अनुसार सचिवालय बैठक सरेसँगै स्थायी कमिटीको पनि सरेको छ । प्रवक्ता श्रेष्ठले जानकारी दिएअनुसार स्थायी कमिटीको बैठक २१ गते १ बजेदेखि बस्नेछ ।
वि.सं.२०७७ मंसिर १७ बुधवार १५:१७ मा प्रकाशित