हामी सबैकाे संसारन्यूज

काठमाडौं । कांग्रेसका वरिष्ठ नेता रामचन्द्र पौडेलले तनहुँ व्यास नगरपालिकाको बुल्दीखोलाको पुल उद्घाटन गरेका छन् । उनी सयौं कार्यकर्तासहित पुगेर पुल उद्घाटन गरेका हुन् ।

यसअघि सत्तारुढ नेकपाका कार्यकर्ताले अवरोध गरेपछि पुल उद्घाटन रोकिएको थियो । पुल उद्घाटनको विषयमा विवाद बढ्दै जाँदा बुधबार तनहुँ प्रशासनले निषेधाज्ञासमेत लगाएको थियो ।

तर, प्रशासनले लगाएको निषेधाज्ञा तोड्दै पुल उद्घाटन गर्न पुगेपछि पौडेललाई प्रहरीले पक्राउ गरि नियन्त्रणमा लिएको थियो । उनलाई बुधबार तीन घण्टाको हिरासतपश्चात छोडिएको थियो ।

बुधबारको घटनाबाट आक्रोशित पौडेलले बुधबार दलबलसहित प्रदर्शन गर्दै पुलको उद्घाटन गरेका हुन् । पुल उद्घाटनमा कार्यक्रममा पौडेलसहित कांग्रेसका केन्द्रिय सदस्य शंकर भण्डारी, गोविन्द भट्टराई, प्रदिप पौडेल, धुव्र वाग्लेलगायत पनि पुगेका थिए ।

कांग्रेसले पुल उद्घाटनको विषयलाई आफ्नो प्रतिष्ठा बनाएको थियो ।

यस्तो छ भिडियो