हामी सबैकाे संसारन्यूज

१९ मंसिर, काठमाडौं । गएराति भएको खेलमा लण्डन क्लब टोटनहम अष्ट्रियन क्लब एलएएकसकेसँग बराबरीमा रोकिएकाे छ ।  युरोपा लिग अन्तिमको खेलमा टोटनहमले एलएएकसकेसँग ३-३ को बराबरी खेलेको थियो ।

बराबरीमा रोकिएको उक्त खेलमा टोटनहमका लागि खेलको पहिलो हाफको इन्जुरी समयमा गारेथ बेलले पेनाल्टि मार्फत गोल गरेका थिए, ५६ औं मिनेटमा हेउनमिन सन र ८६ औं मिनेटमा डेली अलीले पुन पेनाल्टि मार्फतनै गोल गरेका थिए।

एलएएसकेका लागि भने ४२ औं मिनेटमा पिटर मिचोरी, ८४ औं मिनेटमा जोहाने एगेस्टेन र खेलको इन्जुरी समयमा मामएडोउ कारामोकोले गोल गरेका थिए।

सोहि समुहको अर्को खेलमा रोयल एन्तवर्प लुडोगोरेट्सलाइ ३-१ गोल अन्तरले पराजित गर्दै समुहको शिर्ष स्थामा रहदैँ अन्तिम ३२ मा स्थान बनाएको छ । समुह चरणको अन्तिम खेलमा टोटनहम  एन्तवर्पसंग खेल्नेछभने एलएएसके लुडोगोरेट्स राजगार्डसँग खेल्नेछ ।