२१ मङ्सिर, डोल्पा । ढुङगा प्रहार गरी हत्या गरेको अभियोगमा प्रकाश बोहरा पक्राउ परेका छन् ।
ठुलीभेरी नगरपालिका–३ दुनै बस्ने रुकुम पश्चिम आठविसकोट नगरपालिका–११ घर भएका ३६ वर्षीय कविराम नेपालीको हत्या गरेको अभियोगमा रुकुम पश्चिम आठविसकोट नगरपालिका–३ बस्ने ३३ वर्षीय बोहरालाई बिहीबार राति प्रहरीले पक्राउ गरेको हो ।
बोहराले गत भदौ ३० गते साँझ ढुङ्गा प्रहार गर्दा घाइते भएकोमा कविरामको बिहीबार राति उपचारको क्रममा मृत्यु भएपश्चात उनलाई प्रहरीले पक्राउ गरेको हो । बोहरा यसअघि सोही घटनामा सार्वजनिक अभद्र व्यवहार मुद्दामा जिल्ला प्रशासन कार्यालय डोल्पाबाट ३० हजार रुपैयाँ धरौटीमा छुटेका थिए ।
यस सम्बन्धमा थप अनुसन्धान गरिरहेको प्रहरीले जानकारी दिएको छ ।
वि.सं.२०७७ मंसिर २१ आइतवार ११:५७ मा प्रकाशित