हामी सबैकाे संसारन्यूज

२१ मंसिर, काठमाडौं । रियल म्याड्रिडले ला लिगा अन्तर्गत शनिबार सेभियालाई पराजित गरेको छ । सेभियाको घरेलु मैदानमा भएको खेलमा रियलले १-० गोल अन्तरले सेभियालाई पराजित गरेको हो ।

प्रतिस्पर्धातमक खेलको दोस्रो हाफको ५५ औं मिनेटमा सेभियाका गोलरक्षक यासिन बोनोउको आत्मघाति गोलका साथ रियलले खेल आफ्नो पक्षमा पारेको थियो । फर्लान्ड मेन्डीको लो क्रसलाई भिनिसियस जुनिअरले हल्का छोएपछि बल गोलरक्षक बोनोउको हातमा लाग्दै गोल हुन पुगेको थियो ।

जितपछि ११ खेलबाट ६ जित, २ बराबरी र ३ हारबाट २० अंक जोडि रियल अंक तालिकाको तेस्रो स्थानमा रहेको छ ।

बार्सिलोना काडिजसँग पराजित
गएराति भएको खेलमा बार्सिलोना काडिससँग पराजित भएको छ । काडिसको घरेलु मैदानमा भएको खेलमा काडिसले २-१ गोल अन्तरमा रियललाई पराजित गरेको हो । काडिसको जितमा अल्भारोले खेलको ८ औं र नेग्रेडोले ६३ औं मिनेटमा गोल गरेका थिए ।

बार्सिलोनाले भने अल्कालाको आत्माघाति गोल मार्फत एक गोल उपहार पाएकाे थियो । बार्सिलोनाको यो सिजनको चौँथो हार हो । हारसँगै १० खेलबाट १४ अंकका साथ बार्सिलोना ७ औँ स्थानमा रहेको छ ।