हामी सबैकाे संसारन्यूज

भूकम्पबाट पानीको मूल सुकेपछि विद्यालयमा खानेपानीको समस्या देखिएकाले सो निर्माणका लागि व्यवसायी लक्ष्मी मगराती र विद्यालय पूर्वविद्यार्थी हाल जापान निवासी आइतबहादुर तामाङले आज रु एक एक लाख सहयोग हस्तान्तरण गर्नुभयो ।

‘शुभलक्षण’ साप्ताहिक पत्रिकाले आयोजना गरेको पत्रकार अवलोकन भ्रमण कार्यक्रमबीच उहाँहरुले विद्यालय व्यवस्थापन समितिका अध्यक्ष भाग्यश्री लामा र निमित्त प्रअ रामप्रसाद दाहाललाई सहयोग हस्तान्तरण गर्नुभएको हो । तामाङबस्ती रहेको क्षेत्रको विद्यालयमा नौ सय विद्यार्थी अध्ययनरत छन् ।

अध्यक्ष लामाले खानेपानीका लागि जिल्ला खानेपानी कार्यालयले वास्ता नगरेका समयमा विभिन्न व्यक्तिगत सहयोगको सदुपयोग गरिने बताउनुभयो । उहाँले विद्यालय भवन पनि भत्किएकाले हालसम्म विद्यार्थी अस्थायी सिकाइ केन्द्रमा पढिरहेको अवस्थामा पुनःनिर्माणका लागि रुम टु रिडले सहयोग गर्ने भएको जानकारी दिनुभयो ।

सञ्चारिका समूहका अध्यक्ष निर्मला शर्माले राजधानी नजिकैको विद्यालयमा राज्यबाट पर्याप्त सहयोग पुग्न नसक्नु दुःखद् भएको बताउनुभयो । सो साप्ताहिकका प्रकाशक श्यामराज पाठकले ककनी र आसपासको सामाजिक र पर्यटकीय अवस्थालाई सञ्चारमाध्यमले थप उजागर गर्नुपर्ने बताउनुभयो ।