२७ मंसिर, काठमाडौं । महालक्ष्मी विकास बैंकले खाताबाटै डिजिटल भुक्तानी गर्न सकिने गरी कर्पोरेट पे प्रणालीको सुरुवात गरेको छ। यस सम्बन्धमा बैंक र नेपाल क्लियरिङ्ग हाउसबीच सम्झौता भएको छ ।
सम्झौतामा बैंकका कायम मुकायम प्रमुख कार्यकारी अधिकृत सागर शर्मा तथा नेपाल क्लियरिङ्ग हाउसका प्रमुख कार्यकारी अधिकृत नीलेश मान सिंह प्रधानले हस्ताक्षर गरे ।
सम्झौतापछि बैंकले व्यावसायिक ग्राहकहरुलाई प्रदान गर्ने उक्त डिजिटल प्ल्याट्फर्ममार्फत बैंकमा नगई आफैले रकमान्तर, तलब भुक्तानी, भेन्डर पेमेन्ट, सरकारी राजस्व भुक्तानी लगायतका अन्य विभिन्न व्यावसायीक भुक्तानीहरु खाताबाटै सजिलै गर्न सकिने बैंकले जनाएको छ ।
वि.सं.२०७७ मंसिर २७ शनिवार १०:३८ मा प्रकाशित
