हामी सबैकाे संसारन्यूज

१.
म कहिल्यै जानि जानि दुख, दिन्न तिम्रो आँशु झार्दिन
जस्तै सङ्कट आओस मायाँमा, पाईला अन्त सार्दिन
मेरो आराधाना तपस्या तिमी, यो जन्म अनि जन्मान्तर
म जिउँदै हुदा सम्म तिमीलाई, कहिल्यै एक्लो पार्दिन…
२.
मायाँ गर्छु भन्दै तिमी, मेरो जीवनमा आएपछि
दुःख सुख सँगै जिउँछु, भन्दै मायाँ लाएपछि
पीडा ब्यथा सबै भुलें, आँशु पनि झर्न छोडे
घाईते मुटु निको भयो, तिम्रो मायाँ पाएपछि ….
३.
छक्कै परुन् सारा संसार, त्यस्तो मायाँ गर्न सकुँ
जति जुनी पाए पनि, तिम्रै भागमा पर्न सकुँ
सत्य मायाँ गर्ने मान्छे , कस्ता हुन्छन् भन्दाखेरि
मेरै नाम लिउन् सबले, यत्ति गरि मर्न सकुँ …
४.
जुन दिन मेरो नाम पछाडि, तिम्रो त्यो थर हुनेछ
सारा संसारको अघि हाम्रो, मायाँको सुन्दर घर हुनेछ
सुख हुँदा पनि सँगै, दुःख हुँदा पनि सँगै
तिम्लाई मेरो मलाई तिम्रो, एक अर्काको भर हुनेछ …
५.
अमृत जस्तो मिठो बोली, उस्तै राम्रो तिम्रो बानी
मनकी पनि सफा तिमी, मायाँकी झन् रैछौ खानी
तिमी जस्ती मान्छे पाए, मैले संसार जित्न सक्छु
आऊ तिमी यो जीवनमा, बनाई राख्छु मनकी रानी …