Logo
२ जेष्ठ २०७९, सोमबार
     Mon May 16 2022
E-paper
  English Edition
   Unicode
Logo

कविता तस्करहरू



तस्करहरू पहिलोपटक
सुटुक्क हाम्रो घरभित्र घुसे
हाम्रै बैठककोठामा बसेर
आफ्ना प्रस्तावमा छलफल गराए
र, स्वअनुकूल निर्णय लेखाएर
अभिलेख पुस्तिकाको तस्करी गरे ।

तस्करहरू पहिलोपटक
लुसुक्क हाम्रो घरभित्र घुसे
हाम्रै भान्साकोठामा बसेर
आफ्ना स्वादअनुकूल परिकार बनाए
र, हामीलाई बेढङ्गी लतमा फसाएर
भण्डार कोठाको तस्करी गरे ।

तस्करहरू पहिलोपटक
खुसुक्क हाम्रो घरभित्र घुसे
हाम्रै पूजाकोठामा बसेर
आफ्नो आस्थाको भजन गाए
र, देखादेखी संस्कारको हेराफेरि गरेर
भगवानको तस्करी गरे ।

तस्करहरू पटकपटक
जबर्जस्ती हाम्रो घरभित्र घुसे
बैठककोठादेखि पूजाकोठासम्म चहारेर
हाकाहाकी आफ्नो प्रभुत्व झण्डा गाडे
र, हाम्रै दरबारको शकुनि बनेर
बारम्बार अस्मिताको तस्करी गरे ।

तस्करहरू पहिलोपटक
खुलेआम हाम्रो घरभित्र घुसे
हाम्रै फूलबारीमा बसेर
पुतलीहरूको प्रतिकृति बने
र, छद्म स्वरूपमा हामीलाई भड्काएर
सहिष्णुताको तस्करी गरे ।

तस्करहरू पटकपटक
जबर्जस्ती हाम्रो घरभित्र घुसे
बैठककोठादेखि पूजाकोठासम्म चहारेर
हाकाहाकी आफ्नो प्रभुत्व झण्डा गाडे
र, हाम्रै दरबारको शकुनि बनेर
बारम्बार अस्मिताको तस्करी गरे ।

तस्करीको उन्माद बढेपछि
कुनै दिन तिनै तस्करहरू
आफ्नै घरको तस्करी गर्न थाल्नेछन्
र, बन्डा गर्नेछन् आफैँभित्र हुर्किएको भ्रुणहरू
हो त्यही दिनदेखि
तस्करहरूको कथित साम्राज्य ढल्नेछ
अनि त्यही जगमा उभिनेछ हाम्रो नयाँ घर ।


यो खबर पढेर तपाईलाई कस्तो महसुस भयो ?

काठमाडौं । शुक्रबार सम्पन्न स्थानीय तहको निर्वाचनको मतपरिणाम आउने क्रम जारी छ । हालसम्म

पर्वत । पर्वतमा सातवटै स्थानीय तहमा मतगणना जारी रहेको छ । शुक्रबार सम्पन्न स्थानीय

काठमाडौं । स्थानीय तहको निर्वाचनअन्तर्गत आइतबार अपरान्हसम्म ३२ पालिकाको मतगणना सकिएको छ । ३२

बुटवल । रुपन्देहीको सैनामैना नगरपालिका-१को वडाध्यक्षमा नेकपा माओवादी केन्द्रका भुवनसिंह थापा विजयी भएका छन्

दमौली । स्थानीय तह निर्वाचनअन्तर्गत तनहुँमा छ वडाको मतपरिणाम सार्वजनिक भएको छ । आइतबार