Logo
३ जेष्ठ २०७९, मंगलवार
     Tue May 17 2022
E-paper
  English Edition
   Unicode
Logo

प्रवासी पर्वतेलीहरुको ‘हाम्रो बिसौनी’ संवाद सुरु



२८ मंसिर,काठमाडौँ । पर्वतको विकासका लागि ठूला भन्दा साना कुरा गरिहाल्नु पर्ने भन्दै ‘हाम्रो बिसौनी संवाद ’को पहिलो कार्यक्रम प्रारम्भ भएको छ ।

अन्तर्राष्ट्रिय पर्वत समाजका संरक्षक तथा एनआरएनएका पूर्व उपाध्यक्ष कुल आचार्य तथा अष्ट ज अभियानका महासचिव नीलकण्ठ तिवारी मुख्य वक्ता रहेको सो कार्यक्रममा रोजगारी सृजना गर्ने र माटोसँग जोडिनु पर्ने कुरामा धारणा सम्प्रेषण भएका थिए ।

अन्तर्राष्ट्रिय पर्वत समाजका अभियन्ता गुराँस पौडेलमणि भूर्तेलद्वारा परिकल्पित बिसौनी संवाद कार्यक्रममा कृषि, पर्यटन र जलस्रोतलाई क्रमशः प्राथमिकतामा राख्दा पर्वतले समृद्धिको पहिचान पाउने बताइएको थियो ।

‘पर्वतको विकासमा प्रवासी पर्वतेलीको चाहना र अवसर’ शीर्षकमा शुरु भएको सो संवाद कार्यक्रममा संसारभरी रहेका प्रवासी पर्वतेलीहरुको चाहना समृद्ध पर्वतमा जोडिएको भन्दै एनआरएनए अभियन्ता कुल आचार्यले एनआरएनएलाई पैसासँग मात्र जोडेर हेर्ने प्रवृत्तिले गर्दा अपेक्षित परिणाम आउन नसकेको बताएका थिए । काम गर्ने चाहना बोकेर आउनेहरु झमेलामा फस्ने र कतिपयको रित्तो हात हुनुपर्ने अवस्था रहेको बताउँदै उनले लगानीमैत्री वातावरण नीतिगत तहमै हुनुपर्नेमा जोड दिएका थिए । विदेश रहेका पर्वतेलीहरु र उनीहरुका बाध्यता बुझ्ने कुरामा नै समस्या रहेको बताउँदै सो समाधानका लागि स्थानीय तहसम्म चुस्त संयन्त्र बन्नुपर्ने धारणा राखेका थिए ।

अनुकुल वातावरण बनाइयो भने लगानीको कमि नरहने प्रतिबद्धता व्यक्त गरेका आचार्यले कृषि र पर्यटनलाई जोडेर एक गैर आवासीय पर्वतेले एक पर्वतेलाइ रोजगार गराउन सकिने धारणा राखेका थिए । मुनाफा पनि आउने र गाउँको सेवा पनि हुने संभावनाका लागि उनले कम्पनी मोडलको धारणा रोखका थिए । जनप्रतिनिधि र राजनैतिक नेतृत्वलाई सहि ढंगले बुझाउँदै स्वदेश तथा विदेशमा रहेका पर्वतेली शक्तिको उपयोगमा आफू सदैव तयार रहेको उनले बताएका थिए ।

सामाजिक अभियन्ता नीलकण्ठ तिवारीले मानव प्रयासमुलक विकासका लागि राजनैतिक संस्कार र सभ्यताको विकास पनि जरुरी भएको भन्दै विकासका प्राथमिकता निर्धारण गर्दा आजको आवश्यकतामा जानुपर्ने बताएका थिए । महामारीबाट ज्यान जोगाउन आफ्नै माटो र आफनै झुपडी सुरक्षित ठानेर स्वदेश भित्रिएकाहरु फेरि विदेशको लर्को लागेको उदाहरण दिँदै उत्पादन र स्वरोजगारमैत्री वातावरण निर्माण गर्नमा उनले जोड दिएका थिए । उनले विकासका मोडल र समय सापेक्ष चाहना बारे चर्चा गर्दै चाहना र अवसर संगै समस्या र समाधान जोडिएको बताएका थिए । ठूलो सपना बोकेर होइन सहकारी मार्फत माटो र हावापानीको ब्यबशायिकरणमा जोडिने सानो काममा लाग्न सकेमात्र पर्वतलाइ नमुना बनाउन सकिने बताएका थिए । राजनैतिक अस्थिरता र निर्वाचन प्रणालीको बेथिति राष्टिय रोग भएको बताएका उनले सानो काम गर्न पनि योजना सहितको संयन्त्र बन्नुपर्नेमा जोडदिंदै छलफलाइ स्थानीय स्तरमा लैजान सके सकरात्मक परीणाम निस्कने सुझाव दिएका थिए ।

फलेवास मिडिया प्रालिद्वारा संचालित ‘गण्डकी संचार डटकम’ मेडिया पार्टनर रहेको सो कार्यक्रममा पत्रकार साजन परियारले ‘डोजरे विकास’को निरन्तरता र विदेशका पर्वतेलीको लगानीका सम्भावना लगायतका जिज्ञासा राखेका थिए । कार्यक्रमका आयोजक गुराँस पौडेल र मणि भूर्तेलले विभिन्न श्रृंखलाहरु मार्फत कार्यक्रमको निरन्तरता दिइने बताएका थिए ।


यो खबर पढेर तपाईलाई कस्तो महसुस भयो ?

काठमाडौं । शुक्रबार सम्पन्न स्थानीय तहको निर्वाचनको मतपरिणाम आउने क्रम जारी छ । समाचार

[caption id="attachment_202464" align="aligncenter" width="300"] नीलकण्ठ तिवारी[/caption]   गण्डकी प्रदेश पर्वत जिल्लाको पैयु गाउँपालिकामा निर्वाचित

काठमाडौं । शुक्रबार सम्पन्न स्थानीय तहको निर्वाचनको मतपरिणाम आउने क्रम जारी छ । समाचार

काठमाडौं । स्थानीय तहको निर्वाचनअन्तर्गत आइतबार अपरान्हसम्म ३२ पालिकाको मतगणना सकिएको छ । ३२

दमौली । स्थानीय तह निर्वाचनअन्तर्गत तनहुँमा छ वडाको मतपरिणाम सार्वजनिक भएको छ । आइतबार