हामी सबैकाे संसारन्यूज

२९ मंसिर, काठमाडौँ । जिल्ला रुपन्देही, रोहिणी गाउँपालिका वडा नं. २ का वडाध्यक्ष सरोज कुमार पाण्डे र निबेदक श्यामबचन यादव घुस सहित पक्राउ परेका छन् ।

वडाध्यक्ष पाण्डेले अनुदान स्वरुप रकम प्रदान गर्न सहजीकरण गरिदिएको भनी सेवाग्राहीसँग घुस माग गरेको भन्ने उजुरी एवं सूचनाका आधारमा अख्तियार दुरुपयोग अनुसन्धान आयोगको कार्यालय बुटवलबाट खटिई गएको टोलीले निज पाण्डेलाई सेवाग्राहीबाट २० हजार घुस बापतको रकम लिएको अवस्थामा पक्राउ गरेको हो ।

अनुसन्धानको सिलसिलामा निज पाण्डेले उक्त कार्य गरेको सप्रमाण पुष्टि हुन आएकोले निजलाई भ्रष्टाचार निवारण ऐन बमोजिम सजाय हुनका साथै खाएको घुस निजबाट असुलउपर गरी जफत हुनसमेतको मागदावी लिएको अख्तियारले जनाएको छ ।