हामी सबैकाे संसारन्यूज

काठमाडौं । सरकारले ल्याएको संवैधानिक परिषद्सम्बन्धी अध्यादेशप्रति सत्तारुढ नेकपाका अध्यक्ष पुष्पकमल दाहाल ‘प्रचण्ड’ले आपत्ति जनाएका छन् । उनले अध्यादेश तत्काल खारेज गर्नुपर्ने धारणा राखेका छन् ।

अध्यादेश जारी भए लगत्तै एक अनलाईन सञ्चार माध्यमसँग कुराकानी गर्दै उनले संसदको अधिवेशन बोलाउन माग गरिरहेको बेला अध्यादेश ल्याउनु लोकतन्त्रको उपहास भएको टिप्पणी गरे । ‘सबै पार्टीले संसदको अधिवेशन बोलाउन माग गरिरहेका बेला अध्यादेश ल्याउनु लोकतन्त्रको उपहास हो,’ प्रचण्डले एक अनलाईन सञ्चारमाध्यमसँग भनेका छन्, ‘यो बदनियतपूर्ण छ र तरुन्त खारेज हुनुपर्छ ।’

सरकारले बहुमत सदस्यकै उपस्थितिमा संवैधानिक परिषद् बैठक बस्न सक्ने गरि अध्यादेश ल्याएको छ ।

यसअघि मंगलबार संवैधानिक परिषदको बैठक गणपुरक संख्या नपुगेसँगै स्थगित भएको थियो । सभामुख अग्निप्रसाद सापकोटाले केही अडान राख्दै बैठक बहिस्कार गरेका थिए ।

बैठक स्थगित भए लगत्तै प्रधानमन्त्री ओलीले मन्त्रिपरिषदको आकस्मिक बैठक राख्दै अध्यादेश जारी गर्न सिफारिस गरेका हुन् । मन्त्रिपरिषदबाट सिफारिस भएलगत्तै राष्ट्रपतिले जारी गरेकी छिन् ।