हामी सबैकाे संसारन्यूज

पुस १, काठमाडाैं। प्रधानमन्त्रीसमेत रहेका नेकपा अध्यक्ष केपी शर्मा ओलीलाई भेट्न अर्का अध्यक्ष पुष्पकमल दाहाल ‘प्रचण्ड’ बालुवाटार पुगेका छन् । प्रचण्ड निकट स्रोतका अनुसार दुई अध्यक्षबीच अहिले ‘वान टु वान’ वार्ता चलिरहेको छ ।

यसअघि बुधबार बिहान ओलीसँग संवाद गर्न आग्रह गर्दै पार्टी स्थायी समिति सदस्य एवं लुम्बिनी प्रदेशका मुख्यमन्त्री शंकर पोखरेल प्रचण्ड निवास खुमलटार पुगेका थिए । प्रचण्ड निकट स्रोतका अनुसार सरकारले मंगलबार जारी गरेको संवैधानिक परिषदसँग सम्बन्धीत अध्यादेश फिर्ता लिन र बैठक आउन आग्रह गर्न प्रचण्ड भेट्न गएका हुन् ।

नेकपाको स्थायी समिति बैठक अपरान्ह १ बजे बस्ने कार्यतालिका छ । बैठक प्रधानमन्त्री निवास बालुवाटारमै बस्ने यसअघिकै बैठकले तय गरेको थियो ।

तर, अध्यादेशको विवाद थप भएसँगै बैठक अन्यौंलमा परेको छ । यसअघि गत मंसिर २८ मा बसेको स्थायी समिति बैठक शोक प्रस्ताव पारित गर्दै विषयवस्तुमै प्रवेश नगरी स्थगित भएको थियो ।