हामी सबैकाे संसारन्यूज

१ पुष, काठमाडौं । जनता समाजवादी पार्टी (जसपा)नेपालले सरकारले अध्यादेश ल्याएर संविधानको भावना र मर्ममाथि प्रहार गरेको आरोप लगाएको छ ।

जारी अध्यादेशले ‘सार्वभौमसत्ता सम्पन्न नेपाली जनताको सर्र्वाेच्च निकाय संघीय व्यवस्थापिका संसदलाई नै उपेक्षा गरी विधिको शासन विपरित षड्यन्त्रपूर्वक ढंगले सर्वसत्तावादी तथा आफ्नो स्वेच्छाचारी शासन चलाउन र संवैधानिक निकायहरुलाई नियन्त्रणमा लिन संविधानको भावना र मर्ममाथि नै प्रहार गरेको’ जसपा नेपालद्वारा जारी विज्ञप्तिमा भनिएको छ ।

जसपा नेपालका अध्यक्षद्धय उपेन्द्र यादव र महन्थ ठाकुरद्वारा जारी संयुक्त विज्ञप्तिमा ‘सरकारको यस कदमले संसदको सर्वोच्चता रहने संसदीय लोकतान्त्रिक प्रणालीलाई नै चुनौति दिनुको साथै संविधान र लोकतान्त्रिक गणतन्त्रलाई नै धरापमा पारी देशलाई राजनीतिक द्धन्दको भूमरीतर्फ धकेल्ने कार्य गरेको’ आरोप समेत लगाइएको छ ।

साथै अध्यादेश फिर्ता लिइ हिउँदो अधिवेशन यथाशिघ्र बोलाउन माग गरिएको छ ।