Sansar News
३ पुस, काठमाडौ । आज देशैभरी ७८२ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा गरिएको ५ हजार ७०६ नमुना परीक्षणमा उपत्यकाका २८७ जनासहित देशैभरी ७८२ जना कोरोना संक्रमित थपिएका हुन् । जसमा महिला ३०५ र पुरुष ४७७ जना रहेका छन् ।
मन्त्रालयका अनुसार आज थपिएका संक्रमित मध्ये प्रदेश १ मा ४४, प्रदेश २ मा ९६, बागमती प्रदेशमा ३३९, गण्डकी प्रदेशमा ८२, लुम्बिनी प्रदेशमा १२५, कर्णाली प्रदेशमा २५ र सुदूरपश्चिम प्रदेशमा १४१ जना रहेका छन् ।
आज थपिएका ७८२ जनासँगै नेपालमा कोरोना संक्रमतिको कूल संख्या २ लाख ५२ हजार ४७४ पुगेको छ ।
त्यसैगरी आज देशैभरी १०२९ जना कोरोना संक्रमित संक्रमणबाट मुक्त भएका छन् । आज निको भएका १०२९ जनासँगै नेपालमा कोरोना संक्रमणबाट मुक्त हुनेको कुल संख्या २ लाख ४१ हजार ३९२ पुगेको छ । निको हुनेको यो दर ९५.६ प्रतिशत हो ।
वि.सं.२०७७ पुस ३ शुक्रवार १६:२८ मा प्रकाशित
