हामी सबैकाे संसारन्यूज

काठमाडौं । तत्कालिन नेकपा माओवादीका तर्फबाट मन्त्री भएका गृहमन्त्री रामबहादुर थापा ‘बादल’ र उद्योगमन्त्री लेखराज भट्टले भने प्रधानमन्त्री केपी शर्मा ओलीलाई साथ दिने निर्णय गरेका छन् । पार्टी अध्यक्ष पुष्पकमल दाहाल प्रचण्ड र वरिष्ठ नेता माधवकुमार नेपाल पक्षीय मन्त्रीहरुले राजीनामा दिँदै गर्दा उनीहरुले साथ दिने निर्णय गरेका हुन् ।

संसद विघटनको निर्णयसँगै प्रचण्ड र नेपाल पक्षीय ७ मन्त्रिले सामुहिक राजीनामा दिएका थिए ।

राजीनामा दिनेमा शिक्षा विज्ञान तथा प्रविधिमन्त्ती गिरिराजमणि पोखरेल, उर्जा, जलस्रोत तथा सिंचाई मन्त्री वर्षमान पुन अनन्त, कृषि तथा पशुपंक्षी विकास मन्त्री घनश्याम भूसाल, पर्यटन तथा नागरिक उड्डयन मन्त्री योगेशकुमार भट्टराई, वन तथा वातावरण मन्त्री शक्तिबहादुर बस्नेत, श्रम तथा रोजगार मन्त्ती रामेश्वर राय यादव र खानेपानी तथा सरसफाई मन्त्री बिना मगर रहेकी छिन् ।

राजीनामा दिने मन्त्रीहरुले प्रधानमन्त्रीले ओलीले चालेको कदम गैरसंवैधानिक, अलोकतान्त्रिक, जनादेशविपरित तथा राजनीतिक मुल्य र स्थिरताको प्रतिकुल भएको जनाउँदै राजीनामा गरेको बताएका छन् ।