हामी सबैकाे संसारन्यूज

८ पुस, काठमाडौँ । सशस्त्र प्रहरी बल, बोर्डर आउट पोष्ट कृष्णनगर, कपिलबस्तुका सशस्त्र प्रहरी निरीक्षक निरन्जन राज कार्की र सशस्त्र प्रहरी सहायक हवल्दार लिल बहादुर गुरुङ घुस सहित पक्राउ परेका छन् ।

हवल्दार गुरुङले घरायसी सामान ओसारपसारमा सहजीकरण गरिदिए वापत सेवाग्राहीसँग घुस माग गरिरहेको भन्ने सूचना एवं उजुरी निवेदनका आधारमा अख्तियार दुरुपयोग अनुसन्धानको टोलीले निज लिल बहादुर गुरुङलाई सेवाग्राहीसँग ३५ हजार घुस लिएको अवस्थामा पक्राउ गरेको हो ।

अनुसन्धानको सिलसिलामा गुरुङले निज प्रहरी निरीक्षक कार्कीको निर्देशनमा सेवाग्राहीलाई भारतबाट सामान ल्याउन सहजीकरण गरिदिने भनी उक्त रकम लिएको तथ्य पुष्टि हुन आएकोले निजहरूको उक्त कार्य भ्रष्टाचार निवारण ऐन बमोजिम सजाय हुन मागदाबी लिई आज विशेष अदालत, काठमाडौंमा आरोपपत्र दायर गरिएको अख्तियारले जानकारी दिएको छ ।