Sansar News
८ पुस, काठमाडौं । नेपाली दूतावास कुवेतमा कार्यरत एक नेपाली चेलीको निधन भएको छ ।
नेपाली दूतावास कुवेतमा श्रमसहचारीको रुपमा कार्यरत अर्घाखाँचीकी विपना ज्ञवालीको उपचारका क्रममा स्थानीय अस्पतालमा मृत्यु भएको हो ।
कुवेतमा रहेका पत्रकार हरिकृष्ण न्यौपानेका अनुसार २८ वर्षीया ज्ञवालीको रक्त क्यान्सरको उपचारका क्रममा शुक्रबार निधन भएको हो ।
अर्घाखाँची चिदिकाकी उनी अविवाहित रहेको र लामो समयदेखि क्यान्सर रोगसँग लडिरहेकी थिइन् । बुधबारदेखि गम्भीर अवस्थामा उपचार गराइरहेकी उनको गत शुक्रबार निधन भएको हो ।
उनको शब आइतबार नेपाल ल्याएर दाहसंस्कार गरिसकिएको नेपाली दूतावास कुवेतले जनाएको छ ।
‘यस राजदूतावासका श्रमसहचारी, हाम्रा सहकर्मी श्री विपना ज्ञवालीको स्थानीय अस्पतालमा उपचारका क्रममा भएको असामयिक निधनबाट हामी सम्पूर्ण दूतावास परिवार अत्यन्त मर्माहत भएका छौं ।’ राजदूत दुर्गाप्रसाद भण्डारीद्धारा जारी शोक वक्तव्यमा भनिएको छ ।
वि.सं.२०७७ पुस ८ बुधवार १८:५८ मा प्रकाशित
