Sansar News
९ पौष,काठमाडौं । हिमालयन बैंक लिमिटेडले आँखा अस्पताललाई फ्याको मेसिन हस्तान्तरण गरेको छ । बैंकले डा.राम प्रसाद पोखरेल आँखा अस्पताललाई ३५ लाख बराबरको फ्याको मेसिन हस्तान्तरण गरेको हो ।
आफ्नो सामाजिक उत्तरदायित्व कार्यक्रम अन्तर्गत सो मेसिन हस्तान्तरण गरेको बैंकले जनाएको छ । हस्तान्तरण कार्यक्रममा बैंकका संचालक सुनिल बहादुर थापाको पनि उपस्थिति रहेको थियो ।
हाल अस्पताल नेपाल नेत्र ज्योति संघमा दर्ता भई प्रदेश नम्बर एक अन्तर्गत धनकुटामा आँखा सम्बन्धी विभिन्न स्वास्थ सेवा प्रदान गर्दै आएको छ ।
वि.सं.२०७७ पुस १० शुक्रवार १०:२९ मा प्रकाशित
