Sansar News
पुस १०, काठमाडौं । पुष्पकमल दाहाल ‘प्रचण्ड’ र माधवकुमार नेपाल नेतृत्वको नेपाल कम्युनिष्ट पार्टी (नेकपा)का केन्द्रीय नेताहरु निर्वाचन आयोग पुगेका छन् ।
नेताहरु पुष्पकमल दाहाल ‘प्रचण्ड’, माधवकुमार नेपाल, झलनाथ खनाल, भीम रावललगायतका नेताहरु आयोग प्रवेश गरेका छन् । तर, अन्य नेताहरुलाई भने प्रहरीले जमलको ज्योति भवन अगाडि नै रोकेको उक्त समुहकी केन्द्रीय सदस्य उर्मीला अर्यालले जानकारी दिइन् ।
यसअघि नेताहरुले माइतीघरमा ‘हामी यहाँ छौं’ भनेर प्ले कर्डासहित सडकमा प्रदर्शन गरेका थिए ।
पार्टी विभाजनसँगै नेकपामा आधिकारिताको विवाद जन्मिएको छ । प्रधानमन्त्री केपी शर्मा ओली पक्षले नेकपाको आधिकारिक पक्ष आफुँ भएको बताईरहँदा प्रचण्ड–नेपाल समुहले एकिकृत अवस्थामा रहँदाका केन्द्रीय सदस्य लिएर निर्वाचन आयोग पुगेको हो ।
निर्वाचन आयोगमा यसअघि नै दुवै पक्षले आफुँ आधिकारिक रहेको पत्र बुझाएका थिए ।
वि.सं.२०७७ पुस १० शुक्रवार १२:२१ मा प्रकाशित
