हामी सबैकाे संसारन्यूज

१० पुस, काठमाडौं । प्रधानमन्त्री केपी ओलीको सिफारिसमा भएको संसद् विघटनको विरुद्धको प्रदर्शनमा देशैभरीबाट जुट्न नेपाल तरुण दलले निर्देशन दिएको छ ।

नेपाली कांग्रेसको आयोजनामा पुस १३ गते देशैभरी आयोजित संसद् विघटन विरुद्धको प्रदर्शनलाई भव्य, व्यवस्थित एवं शान्तिपूर्ण बनाउन तरुण दलका अध्यक्ष जित जङ्ग बस्नेतले निर्देशन दिएका हुन् ।

‘नेपाल कम्युनिष्ट पार्टीको के.पी. ओली नेतृत्वको सरकारले गरेको प्रतिनिधिसभा विघटनको असंबैधानिक र अलोकतान्त्रिक कदमका विरुद्धमा नेपाली काँग्रेस पार्टीले यहि २०७७ साल पुष १३ गते सोमबार १६५ संघिय निर्वाचन क्षेत्रमा क्षेत्रिय कार्यसमितिको आयोजनामा एकसाथ विरोध प्रदर्शन गर्ने भएको जानकारी गराउंदै उक्त विरोध प्रदर्शनलाई भव्य, व्यवस्थित, शान्तिपूर्ण र प्रभावकारी बनाउन त्यस जिल्ला समितिले पार्टी संघ समन्वय गरी जिल्लाका सम्पूर्ण क्षेत्र, महानगर, नगरपालिका, गाउँपालिका एवं वडा तहका समितिहरुलाई व्यापक परिचालन गर्नरगराउन निर्देशन गरिन्छ ।’ अध्यक्ष बस्नेतद्धारा विहिबार जारी विज्ञप्तिमा भनिएको छ ।

त्यसैगरी पुष १६ गते राष्ट्रिय एकता तथा मेलमिलाप दिवस भएकोले पार्टीले आयोजना गर्ने कार्यक्रमलाई प्रभावकारी बनाउनका लागि महत्वपूर्ण भूमिका निर्वाह गर्न समेत जिल्ला समितिलाई निर्देशन दिएका छन् ।

‘नेपाल तरुण दल त्यस जिल्ला समितिले उक्त दिन पार्टीसंग समन्वय गरी पार्टीको कार्यक्रम संग नजुध््ने गरी विभिन्न रचनात्मक एवं सिर्जनात्मक कार्यक्रम गरी उक्त दिवस मनाउन यो परिपत्र गरिएको छ ।’अध्यक्ष बस्नेतले भनेका छन् ।