हामी सबैकाे संसारन्यूज

संसदले कुनै गल्ती नगर्दै नगर्दा पनि, अड्चन नगर्दा नगर्दै पनि, आफ्नो घरदलभित्रको जोईपोईको झगडाका कारण बाख्राको खोर ठानिएको संसदलाई भत्काउने ओली र विद्याले नै यी सबै खर्बौँको खर्च आफ्नो खल्तिबाट बेहोर्नुपर्छ। जनतालाई किन यो भार थोपर्ने ? जनताले किन भार बोक्ने ?

ज–जसले संसद भंग गरेको ठिक छ भन्छन् तिनले नै आफ्नो खल्तिबाट सरकारी ढुकुटीमा दान दिएर चुनाव खर्च जुटाएर खर्च गराउन। अनि मात्र म संसद विघटन गरेको ठिक मान्न तयार छु। मेरो करको १ पैसा खर्च गरिनु भएन, पाईन्न। किनभने मैले ०७९ साल मंसीर सम्मको पदावधिका लागि मेरो जनप्रतिनिधि सांसद चुनेर पठाएको हो। मेरो जनप्रतिनिधि कसैको तलुवा वा कमारो हैन, मैले चुनेको हो। उसलाई हामी चुन्नेहरूले बाहेक पदावधि पूरा नभई अरू कसैले घोक्रेठ्याक लगाउन पाउन्न। अर्काको खल्तिबाट लुटेर आफू मोजमस्ति गर्न चुनाव गराउन पाउने भए त काईदाको मोजमज्जा हुने नै भयो नि। मेरो रगत पसिनाको पैसामा अरू कसैले मोजमज्जा गरेको मलाई सह्य छैन।

अब चुनावमा करिब जनताको तिरोको करिब रू ३०/५० अर्ब खर्च हुनेछ। त्यस्तै मासुच्युरा र चन्दामा पनि त्यतिकै खर्च हुनेछ। पालिकाहरूका र सरकारका नेताहरुले लुटेको र भ्रष्टाचारबाट कमाएको खर्बौं रूपैयॉको खोलो अबको चुनावमा बगाईने छ। जनतालाई चुसिरहेका ब्यापारीहरूसंग चुनाव खर्चका लागि चन्दा हसुरेर तिनलाई नांगो नाच गर्न दिदै पुन: जनतालाई चुस्न छुट हुनेछ, जसरी गत निर्वाचनमा लिएको भक्कुमार चन्दाका कारण हाल तिनै ब्यापारी र माफियाहरूले जनता र देश लुटिरहेका छन्। त्यसैले सरकार चुर्लुम्म भ्रष्टाचारमा डुबेको हो।

संसदले कुनै गल्ती नगर्दै नगर्दा पनि, अड्चन नगर्दा नगर्दै पनि, आफ्नो घरदलभित्रको जोईपोईको झगडाका कारण बाख्राको खोर ठानिएको संसदलाई भत्काउने ओली र विद्याले नै यी सबै खर्बौँको खर्च आफ्नो खल्तिबाट बेहोर्नुपर्छ। जनतालाई किन यो भार थोपर्ने ? जनताले किन भार बोक्ने ?

नभए, फजुलमा खर्बौँ खर्च गरिएको कसुरमा भविष्यमा कानुन बनाएर तिनी दुईबाट असुलउपर गर्नुपर्छ। No taxation without representation in a Democracy. लोकतन्त्रमा हाम्रा जनप्रतिनिधि वा सांसद वा संसदप्रति जवाफदेही नरहने सरकारले जनताबाट कर असुल्ने अधिकार राख्दैन। जनताले कर तिर्न बाध्य हुदैन।