हामी सबैकाे संसारन्यूज

१२ पुष, काठमाडौँ । वरिष्ठ अर्थशास्त्री तथा लेखक गोविन्दप्रसाद लोहनीको निधन भएको छ ।

माक्र्सवादी लेखक, दार्शनिक, साहित्यकार, अर्थविद र विद्वान​ लोहनीको शनिबार वेलुकी १० व​जे लोहनीको निधन भएको पारिवार स्रोतले जानकारी दिएको छ ।

वरिष्ठ अर्थशास्त्री, लेखक तथा पूर्व कूटनीतिज्ञ  लोहनीको ९३ वर्षको उमेरमा निधन भएको हो । विगत दुई महिनादेखि स्वासप्रस्वास सम्बन्धी समस्याका कारण मेडिसिटी अस्पताल भर्ना गरेर उपचार भैरहेको थियो ।

नेपाली राजनीतिक आन्दोलनमा महत्वपूर्ण भूमिका खेलेका लोहन पाकिस्तानका लागि नेपाली राजदूतका रुपमा पनि काम गरेका थिए ।

लोहनीको जन्म वि.स. १९८५, कार्तिक, न्हैकन्तला, काठमाडौंमा भएको थियो ।

अर्थशास्त्र र माक्सवादी लेखनमा प्रखर लोहनीले संस्कृति, दर्शन र साहित्यका विभिन्न विधामा पनि कलम चलाएका छन् । नेतृत्वको भोक(कथा संग्रह(२०१०), कामरेड जाने होइन(२००८), चिनियाँ जनसंघर्षको इतिहास, आजको चीन इतिहास (वि.स. २००९), नेपालमा भूमि सम्बन्धको इतिहास, यो हो सोभियत रुस जस्ता उनका प्रकाशित मौलिक कृति रहेका छन् ।