हामी सबैकाे संसारन्यूज

१३ पुष, काठमाडौँ । सन्दिप लामिछाने आवद्ध टिम होबार्ट हुरिकेन्स लगातार दुई खेलमा पराजित भएको छ । आइतबार ब्रिसबेन हिट विरुद्ध भएको खेलमा होबार्ट ४ विकेटले पराजित भएको हो ।

टस हाररे पहिले ब्याटिङ्ग गरेको होबार्ट हुरिकेन्सले २० ओभरमा ७ विकेट गुमाएर १४८ रन बनाएको थियो । होबार्ट हुरिकेन्सका लागि ब्याटिङ्गमा डार्सी सटले सर्वाधिक २७ रन बनाएका थिए भने ब्रिसबेन हिटका लागि बलिङ्गमा लेविस ग्रेगोरीले सर्वाधिक ३ विकेट लिएका थिए ।

होबार्ट हुरिकेन्सले दिएको १४९ रनको लक्ष्य ब्रिसबेन हिटले १७.२ ओभरमा ६ विकेट गुमाएर पुरा गरेको थियो । ब्रिसबेन हिटका लागि साम हिजलेटले सर्वाधिक ४८ रन बनाएका थिए भने होबार्टका लागि बलिङ्गमा डार्सी सटले सर्वाधिक ३ विकेट लिएका थिए । ४ विकेटले विजयी भएसँगै ब्रिसबेन हिटले यस सिजनको बिग ब्यास लिगमा पहिलो जित निकालेको छ ।