हामी सबैकाे संसारन्यूज

१५ पुस, काठमाडौं । नेपाल कम्युनिष्ट पार्टी (नेकपा) का अध्यक्ष माधव कुमार नेपालले क्षमा याचना गरेका छन् ।

पुष १४ गते एक टेलिभिजिनमा अन्र्तवार्ताका क्रममा व्यक्तिमा रहेको व्यक्तिवादी प्रवृत्तिको चर्चा गर्ने क्रममा नेपाली समाजमा प्रचलित एउटा उखान प्रयोग गर्दा असाबधानिबस दलित समुदाय लक्षित शब्द प्रयोग भएको भन्दै उनले माफी मागेका हुन् ।

अध्यक्ष नेपालले आफ्नो सिंगो जीवननै जातिय विभेदको अन्त्य र समानताको पक्षमा लगाएको स्मरण गराउँदै त्यसप्रतिको अविचलित प्रतिबद्धता समेत व्यक्त गरेका छन् ।

सामाजिक संजाल फेसबुकमार्फ्त याचना गदै अध्यक्ष नेपालले लेखेका छन् ‘हिजो पौष १४ गते एउटा टेलिभिजन अन्तर्वार्ताका क्रममा ब्यक्तिमा रहेको ब्यक्तिवादी प्रवृत्तीको चर्चा गर्ने क्रममा नेपाली समाजमा प्रचलित एउटा उखान प्रयोग गर्दा असावधानीवस् दलित समुदाय लक्षित एउटा शब्द प्रयोग भएकोमा क्षमा याचना गर्दछु । साथै, मैले आफ्नो सिंगो जीवन नै जातीय विभेदको अन्त्य र समनताका पक्षमा लगाएको कुरा स्मरण गर्दै त्यसप्रतिको अविचलित प्रतिबद्धता समेत ब्यक्त गर्दछु ।’