Sansar News
पुस १७, काठमाडौं । नेपाल कम्युनिष्ट पार्टी (नेकपा)को प्रचण्ड–नेपाल समुहले प्रदेश २ संसदीय दलका नेता सत्यनारायण मण्डलविरुद्व अविश्वासको प्रस्ताव दर्ता गरेको छ । शुक्रबार प्रचण्ड–नेपाल समुहले बहुमत सांसदको हस्ताक्षरसहित मण्डलविरुद्व अविश्वासको प्रस्ताव दर्ता गरेको हो ।
प्रदेश २ मा नेकपाका ३२ सांसद छन् । जसमध्ये प्रचण्ड–नेपाल समुहले आफुँसँग २० सांसदको समर्थन रहेको दाबी गरेको छ ।
मण्डलविरुद्व दर्ता गरिएको अविश्वासको प्रस्तावमा भने १७ सांसदले हस्ताक्षर गरेका छन् ।
मण्डलविरुद्व अविश्वासको प्रस्ताव दर्ता गरेको प्रचण्ड–नेपाल समुहले संसदीय दलको नेतामा सत्रुन्ध महतोलाई अगाडि सारेका छन् । उनी माधव नेपाल निकटका नेता हुन् ।
प्रदेश २ मा जनता समाजवादी पार्टीको नेतृत्वमा सरकार छ । पार्टी एकतापूर्व नेकपाले जनता समाजवादीलाई समर्थन गर्दै आएको थियो ।
वि.सं.२०७७ पुस १७ शुक्रवार १२:४८ मा प्रकाशित
