Sansar News
पुस १७, काठमाडौं । नेपाली कांग्रेसका राष्ट्रिय सभा सदस्य जितेन्द्र देवले संसदमा सरकार बनाउने क्षमता परीक्षण नभएसम्म प्रतिनिधि सभा विघटन हुनै नसक्ने बताएका छन् । राष्ट्रिय सभाको शुक्रबारको बैठकमा बोल्दै उनले नेपालको संविधानको धारा ७६ को कुनै पनि उपधारामा प्रधानमन्त्रीले संसद विघटन गर्न मिल्ने व्यवस्था नरहेको बताए ।
‘म पनि संविधान निर्माणमा सक्रिय सहभागी हुने सभासद् हुँ,’ उनले भने, ‘सालैपिच्छे सरकार फेरिने र अस्थिरता रोक्नको लागि राजनीतिक रुपमा धारा ७६ मा यो व्यवस्था राखिएको हो।’
पार्टीभित्र समस्या आयो भन्दैमा प्रतिनिधि सभा विघटन गर्न मिल्छ भन्दै प्रधानमन्त्री केपी शर्मा ओलीलाई जितेन्द्र देवले प्रश्न गरेका छन् । उनका अनुसार कुनै पनि देशभक्त र परिवर्तनकारीले संसद विघटन गर्ने निर्णय गर्नै सक्दैन ।
‘तपाईं पार्टीभित्र समस्यामा पर्ने तर संसद्लाई विघटन गर्नेरु देशलाई खाल्डोमा जाकिदिनेरु दुनियाँमा देशभक्त, लोकतन्त्रवादी र अग्रमन चाहने र जनताको प्रतिनिधि हामी नै हौं भन्नेहरुले यस्तो काम गर्दैन’, उनले भने।
वि.सं.२०७७ पुस १७ शुक्रवार १७:४८ मा प्रकाशित
