हामी सबैकाे संसारन्यूज

पुस १७, काठमाडौं । राष्ट्रिय सभा सदस्य दिनानाथ शर्माले नेकपा विभाजन राजनीतिक कारणले मात्रै भएको बताएका छन् ।

शुक्रबार राष्ट्रिय सभामा बोल्दै उनले भने, ‘यो पार्टी विभाजन, कुनै सिद्धान्तका आधारमा, कुनै विचारको आधारमा, कुनै दर्शनको आधारमा हुन गईरहेको छैन्, केवल राजनीतिक कारणले मात्रै विभाजन हुन गईरहेको छ, जुन कुरा दुःखद हो ।’

विगतका समयमा भएका पार्टी विभाजन राजनीतिक स्वार्थका कारणले नभएको उनको भनाई छ । ‘हिजो हामी विभाजित हुँदा विचारको कारण, दर्शनको कारण, सिद्धान्तको कारणले, सामान्य राजनीतिक स्वार्थका कारणले होइन दर्शनका कारणले विभाजित भएका थियौं’, शर्माले भने ।

शर्माले आफुँले विगतमा कांग्रेसलाई आन्तरिक एकता गर्न सुझाब दिने गरेको भन्दै आफ्नो पार्टीमा आएको अवस्थाले निकै दुःख लागेको बताए ।

सम्बन्धित समाचार

राष्ट्रिय सभामा दिनानाथ शर्माले भने – पार्टी विभाजनले मेरो मुटु चिरिएको छ