Sansar News
१७ पुष, काठमाडौँ । जनता समाजवादी पार्टी (जसपा) नेपाल र नेपाल कम्युनिस्ट पार्टी एकीकृत मार्क्सवादी पार्टीबीच एकता घोषणा भएको छ ।
शुक्रबार जसपाको ललितपुरको बालकुमारीस्थित ट्रेड युनियनको हलमा आयोजित कार्यक्रममा जसपा र अमृत पुरी नेतृत्वको नेकपा एकीकृत मार्क्सवादीबीच एकता घोषणा गरिएको हो ।
जसपाले लिएको पहिचान सहितको संघीयता, बहुराष्ट्रिय राज्य, समावेशीता, समतामुलक समृटि र समाजवादी लोकतान्त्रिक गणतन्त्र जस्ता आधारभूत सिद्धान्तमा सहमत जनाउँदै पार्टी एकता घोषणा गरिएको नेकपा एकीकृत माक्र्सवादीका संयोजक अमृत पुरीले जनाएका छन् ।
जसपा अध्यक्ष महन्थ ठाकुर, अर्का अध्यक्ष उपेन्द्र यादव र नेकपा एकीकृत माक्र्सवादीका संयोजक अमृत पुरीद्वारा जारी प्रेस विज्ञप्तिमा यस एकताले नेपालमा लामो समय देखि चलि आएको लोकतान्त्रिक आन्दोलनमा श्रमजिवी जनता र उत्पिडित राष्ट्रियता, महिला र शिल्पी/दलित समुदायको मुक्ति आन्दोलनमा शक्ति प्रदान गदै शसक्त पार्ने उल्लेख छ ।
एकता घोषणा कार्यक्रममा कार्यक्रममा जसपा अध्यक्ष महन्थ ठाकुरले देशमा भइरहेका विभिन्न विभेदको अन्त्य गर्न र राज्यको सबै निकायहरुमा समान प्रतिनिधित्व गराउन जसपाले संघर्ष गरिरहेको बताए ।
वि.सं.२०७७ पुस १७ शुक्रवार १९:०१ मा प्रकाशित
