हामी सबैकाे संसारन्यूज

स्याङ्जा – आफ्नी छोरीको पुण्यतिथीमा गैह्रेको परिवारले बालगृहमा रहेका बालबालिकालाई सहयोग तथा दान गरेका छन् । गैरे परिवारले अतिथी गैह्रेको ४५ औं पुण्यतिथिमा अमोर सेवा नेपाल स्याङ्जाको बालगृहमा रहेका २४ जना बालबालिकालाई भोजन, दान र सहयोग गरेका हुन् ।

सुर्य प्रसाद गैह्रे ‘पारस’ र बिनु गिरी गैह्रेको १२ वर्षिय छोरी अतिथी गैह्रको मंशिर १ गते अरिंगालले टोकेर मृत्यु भएको थियो । हिन्दु सँस्कार अनुसार ४५ दिनलाई विशेष पुण्य तिथिको रुपमा लिने चलन छ । सोहि अनुसार परिवारका सबै सदस्यको सहभागितामा स्वर्गिय अतिथीको स्मृतिमा बालबालिकालाई कपडा र नगद प्रदान गरेर भोजन गराइएको बाबु सुर्यप्रसादले बताए ।