Sansar News
१८ पौष, काठमाडौं । सहरी विकास मन्त्री प्रभु साह सवार गाडीले शनिबार सर्लाहीको हरिवनमा एक पैदल यात्रुलाई ठक्कर दिएर घाइते बनाएको छ ।
पश्चिमबाट पूर्वतर्फ आउँदै गरेको साह सवार ना १ झ ३८४२ नम्बरको जिपले लालबन्दी नगरपालिका–८ का ३५ वर्षीय बच्चु तामाङलाई ठक्कर दिएको थियो । गाडीको ठक्करबाट घाइते भएका पैदलयात्रीको स्वाभिमान अस्पताल हरिवनमा उपचार भइरहेको छ ।
घाइते तामाङको कम्मर र खुट्टामा चोट लागेको प्रहरी प्रबक्ता मदन कुँवरले जानकारी दिए । उनका अनुसार ठक्कर दिएर भागेको गाडी मन्त्रीज्यूकै रहेको पुष्टि गरे ।
वि.सं.२०७७ पुस १८ शनिवार १५:३१ मा प्रकाशित
