Sansar News
२० पुष, काठमाडौँ । ट्रान्सपरेन्सी इन्टरनेशनल(टीआई) नेपालको अध्यक्षमा पद्मिनी प्रधानाङ्ग निर्वाचित भएकी छन् ।
टीआईको सोमबार सम्पन्न २५ औँ वार्षिक साधारणसभाले पूर्वमहासचिव रहेकी प्रधानाङ्गलाई अध्यक्षमा निर्वाचित गरेको हो । प्रधानाङ्गले प्रतिस्पर्धी खेमराज रेग्मीलाई १७ मतले पछि पार्दै अध्यक्षमा निर्वाचित भएकी हुन् । उनले २७ पाएकी थिइन् भने रेग्मीले १० मत पाएका थिए ।
सरकारको भ्रष्टाचारविरुद्धको सुन्य संवेदनशिलता नारामा मात्र सिमित
त्यस्तै नयाँ कार्यसमितिमा मुकुन्द बहादुर प्रधान, बुद्धीनारायण श्रेष्ठ, किरण थापा, कृष्ण ज्ञवाली, आर्या श्रेष्ठ, डा सागर शर्मा, मदनकृष्ण शर्मा र राष्ट्रिय ब्यावसायिक पहल निर्वाचित भएका छन् ।
टीआई नेपालले सरकारको भ्रष्टाचारविरुद्धको सुन्य संवेदनशिलता नारामा मात्र सिमित रहेको जनाएको छ । सभाद्वारा पारित वार्षिक प्रतिवेदनमा उक्त कुरा उल्लेख छ । त्यस्तै प्रतिवेदनमा संघीय संरचनामा लोकतान्त्रिक व्यवस्था सुदृढ हुने र आम नागरिकको जीवनस्तरमा प्रत्यक्ष प्रभाव पार्ने अपेक्षा व्यवहारमा कार्यान्वयन हुन नसकेको नागरिकको अनुभव रहेको पनि उल्लेख गरिएको छ ।
वि.सं.२०७७ पुस २० सोमवार १९:१७ मा प्रकाशित
