हामी सबैकाे संसारन्यूज

पुस २१, काठमाडौं । कोरोना भाइरस (कोभिड–१९)को दोस्रो लहर देखिएसँगै बेलायत फेरि संकट तर्फ फर्केको छ । अन्तराष्ट्रिय सञ्चार माध्यमले जनाएअनुसार प्रधानमन्त्री बोरिस जोनसोनले मन्त्रिपरिषदको आपतकालिन बैठक बोलाउँदै मंगलबारदेखि लकडाउनको घोषणा गरेका छन् ।

नयाँ वर्ष सुरु भएसँगै कोरोना संक्रमितको दरमा अत्याधिक बृद्धि देखिएको भन्दै जोनसोन सरकारले लकडाउनको घोषणा गरेको हो । पछिल्लो महामारीमा संक्रमितको मृत्युदर पनि उच्च रहेको जनाइएको छ ।

बेलायतले गत वर्षको मार्चदेखि जुनसम्म नै पूर्णं लकडाउन गरेको थियो । यो लकडाउन दोस्रो चरणको हो ।

एक महिनासम्म नै लकडाउन हनुसक्ने

प्रधानमन्त्री जोनसोनले महामारीको अवस्था निकै डरलाग्दो अवस्थामा रहेको भन्दै लडकाउन लामो समयसम्मै रहन सक्ने बताएका छन् । उनका अनुसार लकडाउन आगामी फेब्रुअरीसम्म नै हुनसक्नेछ ।

उनले ५.६ करोड नागरिकलाई घरमै सुरक्षित रुपमा रहन पनि अपिल गरेका छन् । लकडाउन अवधीभर विद्यालय, होटल तथा रेष्टुराँलगायत मानिसहरुको भीडभाड हुने सबै क्षेत्र बन्द रहने जनाइएको छ । एजेन्सीको सहयोगमा