हामी सबैकाे संसारन्यूज

२१ पुस, काठमाडौं । नेपाल इन्फ्रास्ट्रक्चर बैंकको प्राथमिक सेयर (आइपिओ) माघ २ गतेदेखि निश्कासन हुने भएको छ। आइपिओ निश्कासनका लागि एनआइबिएल एस क्यापिटलले बिक्री प्रबन्धकको जिम्मा लिएको छ।

आइपिओको लागि आवेदन दिन चाहानेले माघ २ गतेदेखि ६ गतेसम्म दिन सक्ने छन् । यदी उक्त अवधिमा खुलाईए जति आबेदन नपरेको हकमा भने माघ १६ गतेसम्म आवेदन दिन सकिनेछ। बैंकले १ सयका दरले ८ करोड कित्ता सेयर जारी गर्न लागेको हो। जसमध्य १ लाख ६० हजार कित्ता कर्मचारीका लागि छुट्याइएको छभने ४० लाख कित्ता सेयर सामुहिक लगानी कोषका लागि छुट्याइएको छ । बाँकी ७ करोड ५८ लाख ४० हजार कित्ता सेयर भने सर्वसाधारणका लागि छुट्याइएको छ।

हाल नेपाली सेयर बजारमा आइपिओ आवेदन दिनेको संख्या ९ देखि १० लाखसम्म रहेको छभने पछिल्लो बजारको चहलपहलका कारण यो संख्या बढ्ने देखिन्छ । पछिल्लो व्यवस्थाअनुसार पुगेसम्म सबैलाई १० कित्ता सेयर बाँडफाँड गर्नुपर्ने छ । यदि उक्त परिणाममा बाँडफाँड गरि बाँकी रहेमा १० ले गुणा जाने अंकले सेयर पाउने छ ।