Sansar News
२१ पुष, काठमाडौँ । आईतबार र सोमबार देशका सात ठाउँमा आगलागी हुँदा एकजनाको मृत्यु र विभिन्न धनमाल जलेर नष्ट भएको छ ।
राष्ट्रिय विपद् जोखिम् न्युनिकरण तथा व्यवस्थापन प्राधिकरणका अनुसार धनुषाको बिदेह नगरपालिकामा आगो ताप्ने क्रममा सारी बाट आगो सल्किइ घाईते भएकी ७० वर्षीया महिलाको प्रादेशिक अस्पताल जनकपुरमा उपचारको क्रममा मृत्यु भएको छ ।
त्यस्तै, उदयपुर ताप्ली गाउँपालिकामा एक घरमा अचानक आगलागी हुँदा दुई घर जलेर नष्ट, अन्नपात, लत्ताकपडा, गोठ, नगद सहित जली १४ लाख बराबरको क्षति भएको छ ।
सर्लाही, बरहथवा नगरपालीका स्थित माछा बजारमा अचानक एक घरमा आगलागी हुँदा किराना पसलको गोदाममा रहेका सामानहरु पूर्णरुपमा जली १४ लाख बराबरको क्षति भएको छ ।
रामेछाप, मन्थली न.पा स्थित च्याकेठाक भज्याङ्ग स्थित एक गोठमा आगलागी हुँदा गोठ पुर्ण रुपमा जलेर एउटा गाईको मृत्यु भई २ लाख ४५ हजार बराबरको क्षति भएको छ ।
मोरङ्ग, रावावेशी गाउँपालीका, देउराली स्थित एक मतानमा आगलागी हुँदा एउटा खशी र १५ वटा कुखुरा, काठपात पुर्णरुपमा जली नष्ट हुँदा १ लाख ५० हजार बराबरको क्षति भएको छ ।
बाजुरा, त्रिवेणी न.पा पन्धारा स्थित एक गोठमा बालेको आगो सल्केर आगलागी हुँदा एउटा गाई जलेर मृत्यु भएको छ ।
सुनसरी, रामधुनी नगरपालीका स्थित मौरीको घारमा आगो लगाउने क्रममा आगलागी हुँदा गोठ पुर्णरुपमा जलेर नष्ट राष्ट्रिय विपद् जोखिम् न्युनिकरण तथा व्यवस्थापन प्राधिकरणले जानकारी दिएको छ ।
वि.सं.२०७७ पुस २१ मंगलवार १४:०८ मा प्रकाशित
