हामी सबैकाे संसारन्यूज

२१ पुस, पोखरा । गण्डकी प्रदेशमा आज थप ५८ जनामा कोरोना संक्रमण पुष्टि भएको छ ।

प्रदेशको स्वास्थ्य निर्देशनालयका अनुसार आज थपिएकामा नवलपरासीको देवचुली, गैडाकोट, हुप्सेकोट र मध्यविन्दुका ७ जना, लमजुङ सुन्दर बजार, कोल्हासोथार र राइनासका ४ जना, पोखरा महानरगपालिकाका ३६ जना, बागलुङ जैमिनी, काठेखोला र ताराखोलाका ८ जना, गोरखाको शहिद लखनका १ जना र म्याग्दीका २ जना गरी ५८ जनामा संक्रमण पुष्टि भएको हो ।

निर्देशनालयका अनुसार आज थपिएका ५८ जनासहित प्रदेशमा कूल संक्रमितको संख्या १४ हजार ८११ पुगेका छन् । जसमा आइतबारसम्मको तथ्यांक अनुसार १३ हजार ७०१ जना निको भइसकेका छन् ।