Sansar News
२२ पुस, काठमाडौं । सरकारले काठमाडौं विश्वविद्यालय (केयू) को उपकुलपतिका लागि दरखास्त आह्वान गरेको छ । हालका उपकूलपतिको अवधि आउँदो माघ पहिलो साता सकिँदै छ ।
लगातार दोस्रो कार्यकाल उपकुलपति बनेका कालरामकण्ठ मकाजुको अवधि माघमा सकिन लाग्दा सरकारले दरखास्त आह्वान गरेको हो । इच्छुक व्यक्तिले पुस २७ गतेभित्र सिफारिस समितिका अध्यक्ष एवम् शिक्षामन्त्री कृष्णगोपाल श्रेष्ठको इमेलमा व्यक्तिगत विवरण पठाउन शिक्षा मन्त्रालयले सुचना जारी जरेको छ ।
इच्छुक व्यक्तिहरुले पेश गरेको विवरणको आधारमा मन्त्रालयको सिफारिस समितिले योग्य व्यक्तिको नामा मन्त्रिपरिषदमा प्रस्ताव लैजाने छभने कुलपति एवम् प्रधानमन्त्री केपी शर्मा ओलीले उपकुलपतिको नियुक्त गर्ने व्यवस्था छ ।
प्रधानमन्त्री एवम् कुलपति केपी शर्मा ओलीले बनाएकाे सिफारिस समितिमा शिक्षामन्त्री कृष्णगोपाल श्रेष्ठको संयोजक छन । समितिमा विश्वविद्यालयका पूर्वउपकुलपति सुरेशराज शर्मा र बोर्ड अफ ट्रस्टीका अध्यक्ष दमननाथ ढुंगाना सदस्य छन् । तर, कतिपयले टस्ट्री गैरकानुनी संरचना भएको र त्यसलाई काठमाडौं विश्वविद्यालयको ऐनले नचिन्ने बताएका छन् ।
वि.सं.२०७७ पुस २२ बुधवार ११:२० मा प्रकाशित
