Sansar News
पुस २२, काठमाडौं । न्यायाधीश हरिकृष्ण कार्कीले संसद विघटनबारेको सुनुवाई गरिरहेको संवैधानिक इजलासबाट आफुँलाई अलग गरेको घोषणा गरेका छन् । बुधबार संवैधानिक इजलासमा बहसका क्रममा आफुँमाथि प्रश्न उठेपछि उनले यस्तो घोषणा गरेका हुन् ।
बुधबारको सुुनुवाईमा वकिलहरुले न्यायाधीश कार्कीले प्रधानमन्त्री केपी शर्मा ओलीविरुद्वको मुद्दा हेर्न नमिल्ने बताएका थिए । सुनुवाईका क्रममा वरिष्ठ अधिवक्ता शम्भु थापा, रमण श्रेष्ठ र दिनेश त्रिपाठीले कार्कीको उपस्थितिप्रति प्रश्न उठाएका थिए ।
कार्की प्रधानमन्त्री ओली नेतृत्वको अघिल्लो सरकारका महान्यायाधिवक्ताको रुपमा रहेकाले मुद्दा हेर्दा स्वार्थ बाझिने वकिलहरुको तर्क थियो । बहसका क्रममा वकिलहरुले कार्कीको सहभागीताले जनतामा गलत सन्देश गएको बताएका थिए ।
वकिलहरुमा बहसमा बस्ने नबस्ने बारे आफैंले निर्णय गर्न भनेपछि कार्कीले नबस्ने घोषणा गरेका हुन् । पुस १० को संवैधानिक इजलासमा कार्की समावेश भएपछि वकिलहरुले आपत्ती जनाएका थिए ।
वि.सं.२०७७ पुस २२ बुधवार १६:०३ मा प्रकाशित
