हामी सबैकाे संसारन्यूज

२३ पु्स, काठमाडौं । कृषिमा वैदेशिक लगानी खुला गर्ने सरकारी निर्णय फिर्ता लिन अष्ट ज अभियान नेपालले सरकारलाइ चेतावनी दिएको छ ।

सरकारको सो निर्णयका बिरुद्धमा बिभिन्न संघ संस्थासंग समन्वय गर्दै वृहद र एकिकृत आन्दोलनको वातावरण तयार पार्न सम्वन्धित सबैमा हार्दिक आग्रह गर्दछौ साथै त्यसबाट उत्पन्न हुने परीणामको भागीदार सरकार स्वयं हुनुपर्ने बताउदै उसले सो चेतावनी दिएको हो ।

यस सम्बन्धमा अभियानका अध्यक्षद्धारा जारी बिज्ञप्तिमा भनिएको छ ‘कृषिमा वैदेशिक लगानी खुला गर्ने सरकारी निर्णयप्रति अष्ट ज अभियान नेपाललको गंभिर ध्यानाकर्षण भएको छ ।

नेपाली उत्पादनका लागी उत्पादनमैत्री वातावरण अझै नबनेको, विदेशी लगानी तथा प्रविधि हस्तान्तरण ऐन–२०७५ मा कृषिमा विदेशी लगानी नल्याउने प्रष्ट व्यवस्था रहेको र प्रतिनिधिसभाको उद्योग तथा वाणिज्य र श्रम तथा उपभोक्ता हित समितिले कृषिमा वैदेशिक लगानी खुला नगर्न निर्देशन दिएको अवस्थामा सरकारले गरेको निर्णय देशघाती हुने ठहर हामीले गरेका छौ ।

यसबारे नेपाल डेरी एसोसिएसन, केन्द्रीय पशुपन्छीपालन सहकारी संघ र नेपाल मत्स्य व्यवसायी संघ लगायत सरोकारवालाहरुको आवाज र आन्दोलनमा हाम्रो पनि एैक्यबद्धता रहेको प्रष्ट पार्न चाहान्छौ । समाजवादउन्मुख अर्थतन्त्रका लागी स्वाधिनता र आत्मनिर्भरताको बाटो छोडेर दलालहरुको हुइयामा नलाग्न तथा कृषि क्षेत्रमा लगानी भएको खरवौ सम्पतीलाइ जोखिममा नधकेल्न सरकारसंग हामी बिशेष आग्रह गर्दछौ ।

सरकारको सो निर्णयका बिरुद्धमा बिभिन्न संघ संस्थासंग समन्वय गर्दै वृहद र एकिकृत आन्दोलनको वातावरण तयार पार्न सम्वन्धित सबैमा हार्दिक आग्रह गर्दछौ साथै त्यसबाट उत्पन्न हुने परीणामको भागीदार सरकार स्वयं हुनुपर्ने बताउन चाहान्छौ । ’

जल, जमिन, जंगल, जलवायू, जनावर, जनशक्ति र जराजुरीको पहिचान, संरक्षण, सम्बद्र्धन, व्यवसायिक उत्पादन र न्यायोचित वितरणबाट आत्मनिर्भरता र स्वाधीनताको जग बसाउन सकिने भन्दै एक दशक अगाडि देखि सक्रिय यो अभियानले कृष्षक र उत्पादकहरुका समस्यामा आवाज उठाउँदै आएको छ ।