Sansar News
२३ पुस, काठमाडौं । नेपाली लेग स्पीनर सन्दीप लामिछानेको उत्कृष्ट बलिङका बावजुत हुरिकेन्स सिड्नी थण्डरसँग पराजित भएको छ । बिग बास लिग अन्तरगत टस जितेर होबार्ट हुरिकेन्सले पहिले बलिङ गरेको थियो ।
पहिले ब्याटिङको निम्तो पाएको सिड्नी थण्डरले निर्धारित २० ओभरमा ५ बिकेट गुमाउदै १६७ रन बनाएको थियो । हुरिकेन्सका लागि तेस्रो खेल खेलेका सन्दिपले ४ ओभर बलिङ गर्दै २३ रन खर्चेर एक बिकेट लिएका थिए । उनले थण्डरका कम्तान कलुम फर्गुसनको विकेट लिए । याे सँगै उनले ३ खेलमा ४ बिकेट लिएका छन ।
१६८ रनको तार्गेट पच्छाएको हुरिकेन्सले भने पुरा २० ओभर खेल्दै ८ बिकेटको क्षतिमा १२८ रनमात्र जोड्न सफल भयो । ३९ रनले विजयी बनेको थण्डर ७ खेलबाट १९ अंकका साथ दोस्रो स्थानमा रहेको छ भने ८ खेलबाट १८ अंक जोडेको हुरिकेन्स तेस्रो स्थानम रहेको छ ।
वि.सं.२०७७ पुस २३ बिहीवार १७:१३ मा प्रकाशित
