Sansar News
पुस २७, काठमाडौं । प्रधानमन्त्री केपी शर्मा ओली सुदुरपश्चिमको धनगढी पुगेका छन् । उनी आफुँ पक्षीय समुहको भेलालाई सम्बोधन गर्न धनगढी पुगेका हुन् ।
ओली पक्षीय नेकपाले जनाएअनुसार उनी काठमाडौंबाट श्री एयरलाइन्सको हवाईजहाजमार्फत अपरान्ह १२ बजे धनगढी पुगेका थिए । ओलीले आज नै धनगढीको खुल्लामञ्चमा आयोजना हुने प्रदेशस्तरीय जनशभालाई सम्बोधन गर्दैछन् ।
ओलीलाई स्वागत गर्न पुगेनन् प्रदेशका प्रतिनिधि
प्रधानमन्त्री प्रदेशमा जाँदा मुख्यमन्त्री तथा प्रदेशका अन्य प्रतिनिधिले स्वागत गर्ने कार्यक्रम हुन्छ । तर ओली सुदुरपश्चिम पुग्दा मुख्यमन्त्री त्रिलोचन भट्ट त आएनन् नै उनले कुनै प्रतिनिधि पनि पठाएनन् ।
उनको सचिवालयले जनाएअनुसार कार्यक्रमबारे औपचारिक जानकारी नभएकाले मुख्यमन्त्री भट्ट स्वागत गर्न विमानस्थल नपुगेका हुन् । ओलीलाई स्वागत गर्न प्रदेश प्रमुख शर्मिला त्रिपाठी भने धनगढी विमानस्थल पुगेकी थिइन् ।
पार्टी विभाजनसँगै मुख्यमन्त्री भट्ट पुष्पकमल दाहाल प्रचण्ड र माधव कुमार नेपालको नेतृत्वको नेकपा पक्षमा देखिएका छन् । उनी स्वागत गर्न नजानुलाई सोही रुपमा बुझिएको छ ।
वि.सं.२०७७ पुस २४ शुक्रवार १४:११ मा प्रकाशित
