Sansar News
२४ पुस, एजेन्सी । रियल म्याड्रिडका स्टार करिम बेन्जेमाले माथेयु भालबुएना सेक्स टेप प्रकरणमा अदालतमा मुद्दा खेप्नुपर्ने भएको छ । बेन्जेमामाथि भाल्बुएनाको सेक्स टेप लिएर ब्ल्याकमेलिङ गर्दै पैसा असुल्न खोजेको आरोप छ ।
एपीका अनुसार बेन्जेमालाई भर्साइल्सका प्रासिक्युटर अफिसले उनको मुद्दा अदालतमा लगिने सन्देश पठाएको छ । यद्यपि, कुन मितिमा भने खुलाइएको छैन ।
३३ वर्षिय बेन्जेमालाई उक्त मद्दाका कारण २०१५ बाट फ्रान्सको राष्ट्रिय टिमबाट खेल्न दिइएको छैन् । राष्ट्रिय टिममा उनको समयका उत्कृष्ट खेलाडी हुदाहुदै पनि उनी उक्त सेक्स टेप प्रकरणका कारण देशका लागि खेल्न पाएका छैनन् ।
बेन्जेमासँगै अन्य चार जनालाई उक्त केसमा सम्लग्न रहेको भनि आरोप लागाई रहेता पनि बेन्जेमाले भने पटक–पटक यस विषयमा स्पष्टिकरण दिँदै आफुले कुनै पनि गलत काम नगरेको बताउदै आएका छन् ।
उनले फ्रान्सका लागि ८१ खेल खेल्दै २७ गोल गरेका छन् । उता रियल म्याड्रीडका लागि भने उनले ५३३ खेलमा २६१ गोल गरिसकेका छन् । गत सिजन रियललाई ला लिगा उपाधि दिलाउन उनको महत्त्वपूर्ण भूमिका रहेको थियो ।
वि.सं.२०७७ पुस २४ शुक्रवार १५:४४ मा प्रकाशित
