हामी सबैकाे संसारन्यूज

२७ पुष, काठमाडौँ । भारत र अष्ट्रेलिया बिचको तेस्रो टेस्ट बराबरीमा रोकिएको छ ।

सिड्नीमा भएको तेस्रो टेस्टमा टस जितेर पहिलो ब्याटिङ्ग गरेको अष्ट्रेलियाले आफ्नो पहिलो इनिङ्गसमा ३३८ रन बनाएको थियो । अष्ट्रेलियाका लागि ब्याटिङ्गमा स्टिवन स्मिथले सर्वाधिक १३१ रनको पारी खेलेका थिए भने भारतका लागि बलिङ्गमा रविन्द्र जडेजाले सर्वाधिक ४ विकेट लिएका थिए ।

अष्ट्रेलिया अलआउट भएपछि आफ्नो पहिलो इनिङ्गस लिएर आएको भारत २४४ रनमा अलआउट भएको थियो । भारतका लागि शुभमन गिल र चेतेश्वर पुजाराले सर्वाधिक ५०/५० रन बनाएका थिए भने अष्ट्रेलियाका लागि प्याट कमिन्सले सर्वाधिक ४ विकेट लिएका थिए ।

पहिलो इनिङ्गसमा ९४ रनले लिड लिएको अष्ट्रेलियाले आफ्नो दोस्रो इनिङ्गस ३१२ रनमा ६ विकेट गुमाएर समाप्त गरेको थियो । दोस्रो इनिङ्गसमा अष्ट्रेलियाका क्यामरन ग्रिनले ८४, स्टिवन स्मिथले ८१ र मानर्श लबुशेनले ७३ रनको पारी खेलेका थिए । भारतका लागि भने अश्विन र शैनीले सर्वाधिक २/२ विकेट लिएका थिए ।

पहिलो इनिङ्गसमा ९४ रनको लिड र दोस्रो इनिङ्गमा ३१२ रन जोड्दैँ अष्ट्रेलियाले भारतलाई जितको लागि ४०७ रनको लक्ष्य दिएको थियो ।

दोस्रो इनिङ्गसमा भारतले पुरै ओभर खेल्दैँ ५ विकेट गुमाएर ३३४ रन बनाए पछि खेल बराबरीमा रोकिएको थियो । दोस्रो इनिङ्गसमा भारतका लागि रिषभ पंत ९७ रनको पारी खेलेर आउट भएका थिए । त्यसक्रममा उनले ३ छक्का र १४ चौका प्रहार गरेका थिए ।

तेस्रो टेस्ट बराबरीमा रोकिएसँगै ४ खेलको टेस्ट श्रृखला पनि १-१ को बराबरीमा रोकिएको छ । यी दुई टिम बिचको अन्तिम टेस्ट ब्रिसबेनमा १५ जनवरीबाट सुरु हुनेछ ।