Sansar News
२७ पुस, काठमाडौं । नेपाल पेट्रोलियम डिलर्स राष्ट्रिय एशोसिएसनले माघ एक गतेदेखि उपभोक्ताबाट मूल्यमा थप ५० पैसा शुल्क असुल गर्ने निर्णय गरेको छ ।
एशोसिएसनले यसअघि बारम्बार विक्रेताहरुको लागि कमिसन बढाउन आयल निगमलाई आग्रह गरेको तर निगमले त्यसको सुनुवाई नगरेको विज्ञप्तिमा जारी गर्दै उल्लेख गरेको छ । हरेक दुई वर्षमा व्यवसायीहरुको कमिसन वृद्धि गर्नु पर्ने भएपनि तीन वर्षअघि नै कमिसन बढाउन निगमलाई प्रतिवेदन पेश गरेकोमा निगमले त्यसको सुनुवाई नगरेकाे गुनासो छ ।
एसोसेसनले देशभर रहेका १५६१ पेट्रोलियम व्यवसायीहरुले अब माघ एक गतेदेखि उपभोक्ताबाट थप शुल्क असुल्ने भएकोले उक्त कार्यबाट उपभोक्तामा पर्न जाने असहज स्थितिको जिम्मा निगमले लिनुपर्ने उल्लेख गरिएको छ ।
सरकारले बढीमा प्रतिलिटर ३५ पैसासम्म कमिसन दिनसक्ने प्रस्ताव गरेपनि व्यवसायीहरुले ५० पैसा कमिसन पाउनुपर्ने दाबी गर्दा यो अवस्था आएको निगमको भनाई छ ।
वि.सं.२०७७ पुस २७ सोमवार १४:०१ मा प्रकाशित
