Sansar News
पुस २७, काठमाडौं । प्रधानमन्त्री केपी शर्मा ओली पक्षीय नेकपाले केन्द्रीय समितिलाई फेरि पनि विस्तार गरेको छ । नेकपाको ओली पक्षले जारी गरेको अन्तरपार्टी निर्देशन–६ अनुसार केन्द्रीय समितिलाई विस्तार गरि १५ सय १ पुर्याइएको हो ।
यसअघि पुस ७ देखि ९ सम्म बसेको उक्त समुहको केन्द्रीय समिति बैठकले ११ सय ९९ सदस्यीय केन्द्रीय समिति घोषणा गरेको थियो । जसपश्चात ओलीले मनोनयन गर्दै १५ सय १ पुर्याएका हुन् ।
पार्टी विभाजनपूर्व नेकपाको केन्द्रीय समिति ४४६ सदस्यीय थियो । पार्टी विभाजनसँगै साबिक केन्द्रीय समितिका दुई तिहाई सदस्य पुष्पकमल दाहाल प्रचण्ड र माधवकुमार नेपाल पक्षले नेतृत्व गरेको नेकपा तर्फ लागेका थिए ।
पार्टी विभाजनको विषयमा वैद्यानिकताको लडाईँ चलिरहेको बेला ओली पक्षले आफ्नो पक्षमा बहुमत देखाउन पुरानो केन्द्रीय समितिलाई पनि यथावत राख्दै केन्द्रीय समिति विस्तार गरेको हो । हाल निर्वाचन आयोगमा कुन पक्ष वैद्यानिक भन्ने विषयमा विवाद चलिरहेको छ ।
वि.सं.२०७७ पुस २७ सोमवार १५:०७ मा प्रकाशित
