Sansar News
१७ पौष, काठमाडौं । अहिलेसम्म मेरो सेयरको खाता १४ लाख ८० हजार ३५ जनाले खोलेको छन् । सीडीएससीका अनुसार विगत १० महिना देखि यता मेरो सेयर खाता खोल्नेको संख्या मात्रै ८ लाख २३ हजार ८१५ जनाले मेरो सेयर खोलेका छन् ।
कोरोनाका कारण जब चैत ११ गतेबाट लकडाउन शुरु भयो त्यसपछि लगानीकर्ताहरुले घरबाट नै सेयर कारोबार गर्नको लागि भन्दै मेरो सेयर लिन थालेको देखिएको छ ।
चैतभन्दा अगाडि ६ लाख ५६ हजार २२० जनाले मात्रै मेरो सेयरमा खाता खोलेको सीडीएससीले जनाएको छ। त्यस समय लगानीकर्ताहरु सेयर आवेदन दिँदा अनलाइनबाट भन्दा बैंकमा जान रुचाउने गरेका थिए ।
सीडीएससीका अनुसार चैत महिना यता ८ लाख २३ हजार ८१५ जनाले मेरो सेयर खाता खोलेका छन् । सीडीएससीका अनुसार चैत महिनामा १७ हजार ४०६, वैशाख महिनामा सबैभन्दा कम ७९८ जनाले मात्रै मेरो सेयर खोलेका थिए ।
त्यसपछि क्रमशः जेठमा २ हजार १०३, असारमा ८२ हजार ९१९, साउनमा ९५ हजार ९१४, भदौमा ९५ हजार १२, असोजमा १ लाख ९९ हजार ५४२, कात्तिकमा ७३ हजार ९४२, मंसिरमा १ लाख २६ हजार २२० र पुस महिनामा मात्रै १ लाख २९ हजार ९५९ जनाले मेरो सेयर खोलेका छन् ।
कोरोना महामारीको कारण लकडाउन भयो । त्यस लकडाउनको समयमा बैंक तथा वित्तीय संस्था नखुलेको र सेयर कारोबार अनलाइनबाट नै हुन थालेपछि लगानीकर्ताहरुले बढी मेरो सेयर प्रयोग गर्न थालेका छन् ।
पछिल्लो समयमा नेपाल स्टक एक्सचेन्ज (नेप्से)ले अनलाइन प्रणालीलाई क्रमैसँग मजबुद बनाउँदै लगेको छ । लगानीकर्ताहरुले अनलाइनबाट नै सेयरमा आवेदन दिन पाएपछि मेरो सेयर प्रयोग कर्ता बढेका छन् ।
वि.सं.२०७७ पुस २७ सोमवार १४:४० मा प्रकाशित
