हामी सबैकाे संसारन्यूज

२८ पुष, काठमाडौँ । भारतीय क्रिकेट टिमलाई अष्ट्रेलिया विरुद्धको चौथो तथा अन्तिम टेस्ट अगाडी अर्को ठुलो झट्का लागेको छ । भारतीय क्रिकेट टिमका फास्ट बलर जसप्रीत बुमराह, अलराउण्डर रविन्द्र जडेजा र ब्याट्सम्यान हनुमा विहारी अष्ट्रेलिया विरुद्धको चौथौँ टेस्ट अगाडी टिमबाट बाहिरिएका छन।

भारतीय क्रिकेट र्बोडले ट्वीटरबाट ट्वीट गदैँ रविन्द्र जडेजा र हनुमा विहारी अष्ट्रेलिया विरुद्धको अन्तिम टेस्टबाट बाहिरिएको जानकारी दिएको छ । त्यसैगरि जसप्रीत बुमराह चौथो टेस्टबाट बाहिरिएको जानकारी क्रिकबजले दिएको छ ।

Ravindra Jadeja ruled out of Border-Gavaskar Test series.

More details – https://t.co/ql3fl0a2zO #AUSvIND pic.twitter.com/RFBR0tBvls

— BCCI (@BCCI) January 11, 2021

तेस्रो टेस्ट अष्ट्रेलियासँग बराबरीमा रोक्नका लागि रविन्द्र जडेजा, जसप्रीत बुमराह र हनुमा विहारीले निकै महत्वपूर्ण भूमिका खेलेका थिए । रविन्द्र जडेजा र हनुमा विहारी दुवै खेलाडी अष्ट्रेलिया विरुद्धको तेस्रो टेस्टमा ब्याटिङ्ग गर्ने क्रममा चोटिल हुन पुगेका थिए भने जसप्रीत बुमराह बलिङ्ग गर्ने क्रममा चोटिल भएका थिए ।

भारत र अष्ट्रेलिया बिचको ४ खेलको टेस्ट श्रृखला १-१ को बराबरीमा रहेकाे छ । यी दुई टिम बिचको चौथो तथा निर्णायक टेस्ट जनवरी १५ बाट सुरु हुने छ ।