हामी सबैकाे संसारन्यूज

२८ पौष, काठमाडौं । आईएमई लाइफ इन्स्योरेन्स कम्पनीको ब्राण्ड एम्बासडरमा नायिका मनिषा कोइराला नियुक्त भएकी छिन् ।

अब कोइराला आईएमई लाइफ जीवन बीमाको ब्राण्ड दुतको भुमिकामा रहने छिन् । कम्पनीका प्रमुख कार्यकारी अधिकृत कवि फुयाँल र नायिका मनिषा कोइरालाले हालै राजधानी काठमाडौंमा आयोजित एक विशेष कार्यक्रमकावीच सम्झौता पत्रमा हस्ताक्षर गरे ।

अग्रणी एवं जीवन्त सेलिब्रेटी कोइरालाले आईएमई लाइफको ब्राण्ड तथा यसको मूल्य एवं मान्यतालाई सशक्त प्रतिनिधित्व गर्ने छिन । हस्ताक्षर कार्यक्रममा संक्षिप्त मन्तब्य दिँदै नायिका कोइरालाले मानब जगतमा जीवन बीमाको निक्कै ठूलो महत्व रहेको बताईन् ।

नेपाली जनताहरुलाई आर्थिक सुरक्षा प्रदान गरि देशैभर छरिएर रहेको पुँजीलाई एकिकृत गरि राष्ट्र निर्माणमा टेवा पुर्याउने अवधारण बोकेको आईएमई लाइफसँग साझेदारी गर्न पाउँदा खुसि रहेको पनि बताइन् । कोइरालासँगको सहकार्य घोषणा गर्दै आईएमई लाइफका प्रमुख कार्यकारी अधिकृत कवि फुयाँलले सहकार्य गर्न पाउँदा उत्साहित रहेको बताए ।