हामी सबैकाे संसारन्यूज

पुस २८, काठमाडौं । नेपाली कांग्रेसको सूचना, सञ्चार तथा प्रचार विभागले प्रधानमन्त्री केपी शर्मा ओली नेतृत्वको सरकारविरुद्वको आन्दोलनमा सञ्चार माध्यमलाई भरपुर प्रयोग गर्ने निर्णय गरेको छ । विभाग पुस २१ र २२ मा बसेको बैठकले यस्तो निर्णय गरेको हो ।

‘प्रतिनिधि सभा विघटन गर्ने असंवैधानिक, अलोकतान्त्रिक र सर्वसत्तावाद उन्मुख कदमविरुद्व नेपाली कांग्रेसले देशव्यापी रुपमा सञ्चालन गरिरहेको विरोध कार्यक्रममा सहभागिता बढाउन मिडिया तथा सूचना प्रविधिको अधिकमत उपयोग गर्ने’, सार्वजनिक बैठकका निर्णयमा भनिएको छ ।

बैठकले पार्टीको वेभसाईटलाई थप परिमार्जित गर्ने निर्णय पनि गरेको छ । बैठकले पार्टीसँग आवद्ध भातृ संगठन तथा संस्थाहरुको पनि वेभसाईटलाई अगाडि बढाउने निर्णय गरेको छ । साथै ७७ जिल्लाकै जिल्ला कार्यसमितिको वेभसाईटलाई पनि अगाडि बढाउने निर्णय गरेको छ ।

साथै बैठकले पार्टीको फेसबुक पेजलाई पनि थप सक्रिय बनाउन बनाउने निर्णय गरेको छ । बैठकले केहि विभागमा जिम्मेवारी हेरफेर पनि गरेको छ ।

यस्ता छन् प्रचार विभागका निर्णयहरु